Hindistanda hərbi təyyarə qəzaya uğradı – Ölənlər var
Hindistan Hərbi Hava Qüvvələrinə məxsus MiQ-21 tipli döyüş təyyarəsi Racastan ştatında qəzaya uğrayıb.
Bu barədə xarici mətbuata istinadən xəbər verilir.
Məlumata görə, hadisə yerli vaxtla saat 21.00 radələrində Bhimra kəndi yaxınlığında qeydə alınıb. Qəza zamanı 2 pilot həlak olub.
Qeyd edilir ki, təyyarə təlim uçuşu zamanı qəzaya uğrayıb. Təyyarə qəzadan sonra yanmağa başlayıb.
Təyyarənin hansı səbəbdən qəzaya uğradığı hələ məlum deyil. Hadisə ilə bağlı araşdırma aparılır.
