Son dəqiqə: FTB ABŞ prezidenti Baydenin evində axtarış aparır – ÖZƏL
ABŞ prezidenti Co Baydenə qarşı başladılan məxfi sənəd araşdırması çərçivəsində FTB-nin Baydenin Delaver ştatındakı evində axtarış apardığı açıqlanıb.
YeniZamantv.az xəbər verir ki, ABŞ prezidenti Co Baydenin ofisində və evində üzə çıxarılan məxfi sənədlərdən sonra FTB-nin Ədliyyə Nazirliyinin araşdırması çərçivəsində Baydenin Delaver ştatının Rehoboth Beach şəhərindəki evində axtarış apardığı bildirilib. Baydenin vəkili Bob Bauer verdiyi açıqlamada axtarışın Baydenin tam dəstəyi və əməkdaşlığı ilə aparıldığını bildirib.
FTB-nin axtarışa başladığı ev, məxfi sənədlərlə bağlı Baydenin üçüncü ünvanı kimi qeydə alınıb. Bildirilib ki, Bayden yuxarıda adı çəkilən evi vitse-prezidentlik müddəti başa çatdıqdan sonra alıb və son olaraq yanvarın 20-23-də Baydenin həyat yoldaşı Cil Baydenin yanında qalıb.
