Adil Əliyev seçki qərargahında növbəti dəfə qəbul keçirdi

Azərbaycan Respublikası Milli Məclisi Sədrinin müavini ,  deputat Adil Əliyev seçildiyi 20 saylı Nərimanov II seçki dairəsində yerləşən seçki qərargahında 38 nəfər şəhid ailəsinin, qazilərin və seçicilərin növbəti dəfə qəbulunu keçirdi.

Qəbul zamanı vətəndaşlar tərəfindən qaldırılan müxtəlif məzmunlu müraciətlər  dinlənildi. Müraciətlərin  bir qisimi  yerindəcə həllini tapdı. Seçicilərlə görüşdə deputat digər  müraciət və şikayətlərin  həll edilməsi ilə əlaqədar aidiyyəti qurumlara  məktublar ünvanlamaq qərarına gəldiyini qeyd etdi.

Görüş zamanı o, həmçinin vurğuladı ki, vətəndaşların sosial rifah vəziyyətinin yaxşılaşdırılması istiqamətində dövlət tərəfindən bütün addımlar atılır. Prezident İlham Əliyevin tapşırıq və tövsiyələrinə uyğun olaraq vətəndaşların qəbul edilməsi, müraciətlərinin dinlənməsi istiqamətində tərəfimizdən genişmiqyaslı iş aparılır. Eyni zamanda ünvanıma daxil olan bütün şifahi və yazılı müraciətlər geniş şəkildə təhlil edilərək, mövcud qanunvericiliyin tələblərinə uyğun olaraq addımlar atılır.

                                                                                    FOTOLAR

         Mətanət Əsgərqızı

         YeniZamantv.az