Elə oğulların da yalnız sizin kimi qəhrəman yaxınları ola bilər
Qarabağ Müharibəsi Əlilləri Veteranları Şəhid Ailələri ictimai birliyinin Xətai rayon təşkilatı bu bayram da onları unutmadı.
YeniZamantv.az xəbər verir ki, təşkilatın rəhbəri Fuad Salahov 8 mart Beynəlxalq Qadınlar günü münasibəti ilə Xətai rayonunda yaşayan şəhid ailələrini təbrik etdi. Onlara xitabən “Bayramınız mübarək əziz və dəyərli şəhid analarımız, şəhid xanımları və bacılarımız” müraciət edən Fuad Salahov qeyd etdi ki, sizlər əlləri öpüləsi insanlarsız. Çünki əziz şəhidlərimizin doğmalarısız. Elə oğulların da yalnız sizin kimi qəhrəman yaxınları ola bilər. Məhz sizi deyib vətəni müdafiə edən oğulları sizlər o zirvəyə qaldırmısız. Bir daha bayramınız mübarək. Bizlər hər zaman sizin yanınızda olmağa hazırıq”.
Şəhid ailələri də öz minnətdarlıqlarını bildiriblər.
Çıxışlardan sonra bayram süfrəsi verilib.
