Ümid Taekvondo Klubu-Qələbə bizdən başlayır!
Ulu öndər Heydər Əliyevin 100 illik yubileyi və Dünya Taekvondo Federasiyasının 50 illik yubileyi münasibətilə əməkdar idman ustası , iki qat Avropa çempionu, Ümid Taekvondo Klubunun rəhbəri İlkin Şahbazovun başçılığı ilə Masterklass təlimi Heydər Əliyev Mərkəzinin parkında baş tutdu.
İdmançıların günlərlə hazırlandığı möhtəşəm tədbirə Azərbaycan Taekvondo Federasiyasının vitse-prezidentləri Nağı Səfərov və Niyaməddin Paşayev də öz töhvələrini verdilər.
Tədbirdə şəhid ailələri və qazilər iştirak edirdilər. Federasiya adından simvolik hədiyyələr təqdim olundu.
Masterklass müxtəlif telekanallar və saytlar vasitəsilə tamaşaçı kütləsinə təqdim olundu.
Şəhərimizin qonaqları – Turistlərin də diqqətini çəkən masterklass böyük marağa səbəb oldu, alqışlarıyla idmançılara dəstək oldular.
Tədbir sonrası klubun idmançıları, valideynlər və rəhbərlik gül çələngi ilə Fəxri Xiyabanı ziyarət etdilər
.
Xatırladaq ki, 29 may – 4 iyunda Bakıda Taekvondo üzrə 26-cı Dünya Çempionatı keçiriləcək. Beynəlxalq əhəmiyyətli idman tədbiri ilə əlaqədar paytaxtımıza 3 minədək qonağın gəlişi gözlənilir.
Esmira Turan
