Qanunsuz tikilən evlər sənədləşdiriləcək
Azərbaycanda “Maliyyə və əmlak amnistiyası haqqında” qanun layihəsi hazırlanır.
YeniZamantv.az. Fed.az-a istinadən xəbər verir ki, sözügedən qanun çərçivəsində digər məsələlərlə yanaşı, vaxtilə qanunsuz tikilən və indiyədək sənədləşdirilməmiş tikililərin taleyi də həll olunacaq. Bu qanun çərçivəsində həmin tikililərin sənədləşdirilməsi gözlənilir.
Təqribi qiymətləndirmələrə görə, Bakı və Abşeron yarımadası ərazisində 500 mindən artıq qanunsuz yaşayış və qeyri-yaşayış obyekti var. 2019-cu ildən başlayan proses çərçivəsində qanunsuz tikililərin inventarizasiyası aparılıb.
Məlumata görə, qanun çərivəsində qanunsuz obyektlərin sənədləşdirilməsi ilə bağlı nəzərdən keçirilən üsullardan biri də həmin obyektlərin kiçik məbləğ – tikilinin qiymətini cüzi hissəsini ödəməklə sənədləşdirilməsidir.
