İcbari tibbi sığorta haqqında əhalinin maarifləndirilməsi ilə bağlı İctimai müzakirələr təşkil olunacaq
Sumqayıt şəhəri və ətraf rayonlarda İcbari tibbi sığorta haqqında əhalinin maarifləndirilməsi ilə bağlı ictimai müzakirələr təşkil olunacaq.
“Əlilliyi Olan Şəxslərin Sosial Müdafiəsinə və İnteqrasiyasına Dəstək” (ƏSMİD) İctimai Birliyinin sədri Səbinə Kərimova məlumat verib ki, QHT-lərə Dəstəyi Agentliyinin maliyyə dəstəyi ilə 01.07.2023-cü il tarixindən Sumqayıt şəhəri və ətraf rayonlarda İcbari tibbi sığorta haqqında əhalinin maarifləndirilməsi ilə bağlı Ictimai müzakirələrin təşkili layihəsinin icrasına başlanıb.
Layihə rəhbəri Səbinə Kərimovanın sözlərinə görə layihənin icrası 3 ay müddətində Sumqayıt şəhəri və ona yaxın olan rayonlarda təşkil olunması nəzərdə tutulub.
“Layihənin əsas məqsədi Sumqayıt və yaxın reginonlarda İcbari Tibbi Sığorta haqqında əhalinin maarifləndirilməsi, onların İTS əlçatanlığının təmin olunmasına yardımçı olmaq, “İcbari tibbi sığorta sistemindən yararlanmaq üçün tibb müəssisələrinə müraciət qaydası barədə məlumatlandırmaqdır. ”
Səbinə Kərimova onu da qeyd edib ki, layihə ümümilikdə 200 nəfəri əhatə edəcək.
