Dünya Diabet Gününə həsr olunan tədbir keçirilib

YeniZamantv.az xəbər verir ki, tədbirdə ilk olaraq şəhidlərimizin əziz xatirəsi bir dəqiqəlik sükutla yad edilib. Daha sonra Azərbaycan Respublikasının Dövlət Himni səsləndirilib.

Respublika Endokrinoloji Mərkəzin direktoru, t.ü.f.d. Nərmin İsmayılova açılış nitqi ilə çıxış edib və qonaqları salamlayıb. N.İsmayılova “Şəkərli diabet Tip 2 xəstələrində erkən diaqnozun qoyulması, vaxtında müayinə və müalicənin aparılması” mövzusunda çıxış edib.

Tədbirdə Ə.Əliyev adına Azərbaycan Dövlət Həkimləri Təkmilləşdirmə İnstitutunun əməkdaşı, t.e.d. Valeh Mirzəzadə “Tip 2 şəkərli diabetin idarə olunmasında nə dəyişib?”, Respublika Endokrinoloji Mərkəzin həkim-endokrinoloqu, Azərbaycan Diabet Liqasının sədri Yeganə Sultanova “Pasiyentlərin terapevtik təlimi”, Ə.Əliyev adına Azərbaycan Dövlət Həkimləri Təkmilləşdirmə İnstitutunun əməkdaşı professor, t.e.d. İsax Mustafayev isə “Diabet və ürək-damar xəstəlikləri” mövzusunda təqdimatla çıxış ediblər.

Sonda iştirakçıların sualları cavablandırılıb, fikir mübadiləsi aparılıb.