Adil Əliyev “Heydər Əliyev Kuboku” döyüş gecəsi qaliblərini təbrik etdi
9 dekabr tarixində Almaniyanın paytaxtı Berlin şəhərində, Milli Məclisin Gənclər və İdman Komitəsi, Gənclər və İdman Nazirliyi, Diasporla İş üzrə Dövlət Komitəsi, Dünya Kikboksinq Təşkilatları Assosasiyasının birgə təşkilatçılığı ilə Ümummilli Lider Heydər Əliyevin 100 illiyinə həsr olunmuş “Heydər Əliyev Kuboku” döyüş gecəsi keçirilib.
YeniZamantv.az xəbər verir ki, bu barədə Azərbaycan Milli Məclisin sədr müavini, Milli Məclis Gənclər və idman komitəsinin sədri Adil Əliyev öz sosial şəbəkə hesabında paylaşım edib:
“Heydər Əliyev Kuboku”nda 7 peşəkar döyüş keçirildi. Kubokun əsas döyüşlərindən biri də “WAKO Pro” Avropa kəməri uğrunda baş tutdu. Bütün idmançılarımız uğurla çıxış etdilər. Ümumi hesab 6-1 Azərbaycan kikboksçularının xeyrinə sonlandı. Tədbirimizə qatılan, idmançılarımızı dəstəkləyən, hər kəsə öz təşəkkürümü bildirirəm.
