“Azəriqaz”ın ödəniş sistemlərinin fəaliyyəti müvəqqəti dayandırılır
SOCAR-ın “Azəriqaz” İB-dən abonentlərə xəbərdarlıq: Ödəniş sistemlərinin fəaliyyəti müvəqqəti olaraq dayandırılacaq.
Bu barədə YeniZamantv.az “Azəriqaz” İB-ya istinadən xəbər verir.
Bildirilib ki, internet şəbəkəsi infrastrukturunda profilaktik işlərin görülməsi planlaşdırılır. Bu səbəbdən həmin müddət ərzində SOCAR-ın “Azəriqaz” İstehsalat Birliyinin ictimaiyyət üçün açıq olan bütün resurslarının, veb-səhifənin, elektron poçt və VPN xidmətlərinin, həmçinin ödəniş sistemlərinin fəaliyyəti müvəqqəti olaraq dayanacaq. Verilən məlumata görə profilaktik işlərin 21.12.2023 tarixində saat 21:00-dan etibarən bir neçə saat ərzində davam etməsi nəzərdə tutulur. Abonentlərdən mövcud vəziyyəti nəzərə almalarını xahiş olunur.
