“Meyvə-tərəvəz bəzi insanlar üçün təhlükəli ola bilər”

“Tərəvəz və meyvələr bəzi insanlar üçün təhlükəli ola bilər”.

YeniZamantv.az xəbər verir ki, bu barədə diyetoloq və nutritionist Daria Rusanova “lenta.ru”ya danışıb.

Rusanova, qıcıqlanmış bağırsaq sindromu olan xəstələr üçün artıq bitki qidalarının zərərli ola biləcəyinə diqqət çəkib:

“Bu sindromu olan insanlar meyvə və tərəvəz qəbulunu minimuma endirməlidirlər. Bu, qarın ağrısı, daimi şişkinlik və bağırsaq disfunksiyası ilə özünü göstərən xəstəliyin şiddətlənmə riskini azaldacaq. Qıcıqlanmış bağırsaq sindromu qadınlarda daha çox rast gəlinir və bir çox hallarda onun baş verməsi genetik meyllə bağlıdır”.
Diyetoloqun fikrincə, QBS zamanı karbohidratları azaltmaq lazımdır:

“Bu xəstəliklə kartof, yaşıl lobya, yerkökü, xiyar, portağal, naringi yeyilə bilər, lakin gül kələm, soğan, qulançar, çuğundur, alma, armud və manqo qəti qadağandır.

Pəhrizin icazə verdiyi meyvə və tərəvəzlər də həddindən artıq yeyildikdə mədə-bağırsaq traktında narahatlıq yarada bilər. Buna görə də, QBS olan xəstələr bir anda 150 qramdan çox tərəvəz və bir meyvə istehlak edə bilməzlər. QBS olan insanlar yeməklərini çox çeynəməlidirlər – sözün əsl mənasında dadını itirənə qədər. Tələsik, yolda və ya televizora baxarkən yemək tövsiyə edilmir”. /Yeniavaz.com/