Medvedev: “Bayden kimi qocalar təhlükə yaradır”
Rusiya Təhlükəsizlik Şurasının sədr müavini Dmitri Medvedev ABŞ prezidenti Cozef Baydenin Rusiya lideri Vladimir Putinlə bağlı təhqiramiz ifadələrinə cavab verib. Siyasətçinin fikrincə, Bayden kimi “qocalar” dünya üçün təhlükə yaradır.
“Ezistensial təhlükə iqlimdə deyil, Baydenin özü kimi artıq dəli olmuş və Rusiyaya qarşı müharibəyə başlamağa hazır olan yararsız qocalardadır”, – Medvedev X sosial şəbəkəsində yazıb.
YeniZamantv.az Turkustan.az-a istinadən xəbər verir ki, bundan əvvəl Bayden seçki kampaniyası zamanı çıxış edərkən Putini dəli adlandırıb və ona başqa nalayiq epitetlər əlavə edib. Amerika prezidenti həmçinin iqlim dəyişikliyini bəşəriyyət üçün ekzistensial təhlükə adlandırıb.
