“Rusiya NATO-ya meydan oxusa, Kalininqradı itirəcək” – Sabiq nazir
Litvanın İsveçdəki səfiri və keçmiş xarici işlər naziri Linas Linkyavicyus Rusiyan NATO-ya qarşı çıxacağı təqdirdə Kalininqradı “zərərsizləşdirməklə” hədələyib.
YeniZamantv.az “KP”-yə istinadla xəbər verir ki, o, bu barədə X sosial şəbəkəsində yazıb.
Sabiq nazir bildirib ki, İsveç NATO-ya daxil olduqdan sonra Baltik dənizi alyansın bir hissəsi olub. Rusiya NATO-ya hücum etməyə cəsarət etsə, ilk olaraq Kalininqrad “zərərsizləşdiriləcək”. Diplomat həmçinin qeyd edib ki, Rusiyanın NATO-nun əhatəsində olması ilə bağlı Moskvanın iddiaları reallığa çevrilir.
Kalininqraddan olan senator Aleksandr Şenderyuk-Jidkov əvvəllər qeyd edib ki, Kalininqrad vilayəti Baltik Donanmasının qüvvələri tərəfindən yaxşı qorunur, ona görə də regiona qarşı istənilən təhlükə ilk növbədə Rusiya üçün təhlükədir.
Bundan əvvəl Rusiya prezidentinin mətbuat katibi Dmitri Peskov bəyan etmişdi ki, NATO qoşunlarının Rusiya sərhədlərinə yaxınlaşması Moskvanı öz təhlükəsizliyini təmin etmək üçün tədbirlər görməyə məcbur edir. /bakupost.az/
