Azərbaycan və Ermənistan cəsarətli addımlar atıb – Almaniyalı nazir

Azərbaycan və Ermənistan keçmişi arxada qoymaq və irəlilımək üçün cəsarətli addımlar atıb.

YeniZamantv.az xəbər verir ki, bunu Almaniya xarici işlər naziri Annalena Berbok deyib.

O bildirib ki, dayanıqlı sülhün əldə olunması imkanı var. Hər iki tərəf artıq keçmişi arxada qoymaq üçün cəsarətli addımlar atıb.

“Almaniya Ermənistan və Azərbaycan arasında həll edilməmiş məsələlərin sülh yolu ilə və güc tətbiq edilmədən həllini təmin etməyə sadiqdir. Bu məqsədlə iki ölkə arasında sülh danışıqlarının tez bir zamanda yekunlaşması vacibdir”, – Berbok əlavə edib.

Alman nazir deyib ki, irəli getmək üçün əsl öhdəlik və qətiyyət lazımdır:

“Qafqaz dövlətləri arasında anlaşma hər iki ölkədən kənarda da müsbət təsirlər göstərəcək və Cənubi Qafqazda daha yaxşı gələcəyə və çiçəklənməyə yol açacaq”.

Berbok qeyd edib ki, iki həftə əvvəl Münxen Təhlükəsizlik Konfransı çərçivəsində başlayan “məhsuldar müzakirələr” davam etdirilməlidir. /modern.az/