Hərbi qulluqçumuz yaralandı – Son dəqiqə
Mart ayının 8-də saat 20:30-da Dövlət Sərhəd Xidmətinin Sərhəd Qoşunlarının hərbi qulluqçusu əsgər Elvin Bəxtiyar oğlu Nəsibli silahla davranış qaydalarını pozması nəticəsində yaralanıb.
YeniZamantv.az xəbər verir ki, Dövlət Sərhəd Xidmətinin Mətbuat Mərkəzi məlumat yayıb.
Hərbi qulluqçunun həyatını xilas etmək üçün təxirəsalınmaz tədbirlər görülərək xəstəxanaya çatdırılıb, ixtisaslaşmış və peşəkar həkimlərin iştirakı ilə əməliyyat olunub.
Faktla bağlı cinayət işi açılıb və Hərbi Prokurorluğun əməkdaşları ilə birgə araşdırma aparılır.
