Qonşu ölkədən müharibə mesajı: “Putini ancaq belə başa salmaq olar”
Ukraynada sülhə yalnız cəbhədə nail olmaq olar, çünki Rusiya Prezidenti Vladimir Putin yalnız güc dilini başa düşür.
YeniZamantv.az xəbər verir ki, bunu Finlandiya Prezidenti Aleksandr Stubb deyib.
Dövlət başçısı uzun illər sülh proseslərində vasitəçilik etdiyini bildirib:
“Əlbəttə, sülh dialoqdan başlayır, dialoqdan sonra parametrləri təyin etməyə başlayırsınız. Amma məncə, bu konkret halda soyuq həqiqət odur ki, sülhə nail olmağın yeganə yolu döyüş meydanındadır”.
Finlandiya prezidenti əlavə edib ki, Putin yalnız güc dilini başa düşür:
“Bəzən düşünürəm ki, onun nöqteyi-nəzərindən sülh demək olar mümkün deyil”. /teleqraf.com/
