Rusiya Erməniləri İttifaqının rəhbəri Ara Abramyan Rusiya Xarici İşlər Nazirliyinə müraciət edərək, İranda baş verən hadisələrlə əlaqədar Bakıda təcili eniş edən təyyarələrdə ermənilərin təhlükəsizliyini təmin etmək üçün əlindən gələni etməyi xahiş edib.
Yenizamantv.az xəbər verir ki, İran, İraq və İsrailin hava məkanında tətbiq edilən məhdudiyyətlər səbəbindən iyunun 13-də səhər saatlarında Bakıya 10-dan çox təyyarə enib.
Onların arasında Moskva, Minsk, Kazan və digər yerlərdən Dubaya uçuşlar olub. Bu reyslərdə olan sərnişinlər arasında BƏƏ-yə səfər edən erməni əsilli və erməni soyadlı vətəndaşlar da var.
