20 Yanvar Şəhid Ailələrinin Hüquqlarının Təmin Olunması İctimai Birliyi 35 illik yubileyini qeyd edib.
YeniZamantv.az xəbər verir ki, tədbirdə şəhid ailələri, ictimayyət nümayəndələri, sənət adamları iştirak ediblər.
Əvvəlcə şəhidlər bir dəqiqəlik sükutla yad olunub.Dövlət himi səsləndirilib.
Birliyin sədri Maral Zamanova tədbir iştirakçılarını salamalayıb, bu günədək təşkilatın gördüyü xeyirxah işlərdən danışıb.Və deyib:”Biz şəhidlərimizi yaşadırıq.Şəhid anaları səbriniz tükənməsin.Bala itirməkdən saçlarınız bəyazlaşıb.Amma siz vətənə oğul vermisiniz.Siz qalibsiniz.Sizin bütün ailə üzvüləriniz qalibdir.Şəhid anaları siz hər zaman fəxr eləməliisniz. Şəhidlərin həyat yoldaşları, siz şəhidlərin övladını vətənpərvər ruhda böyüdürsünüz.Şəhidlərin bacı-qardaşları fəaldırlar. gəlin biz bu ənənəni davam etdirək.Şəhidlərimizi unutmayaq.Şəhid şəhiddir.Şəhidin evi Allahın dərgahıdır.Bizim fəxrimizdir.Başımızın tacıdır. Tək sözdə yox əməldə də biz bunu göstərməliyik.Sizə can sağlığı arzulayıram.Mən özümdə şəhid qızı, şəhid balasıyam.20 yanvar şəhid ailələri, 35 ildi biz bir yerdəyik.Siz həmişə mənə dəstək olmusunuz.Biz hər zaman bir yerdə olacağıq”.
Çıxış edən qonaqlar Maral Zamanovanın şəhid ailələrinə,qazilərə, aztəminatlı ailələrə göstərdiyi diqqət və qayğıdan danışıb.Onu birliyin yubileyi münasibətilə təbrik edib, işlərində uğurlar arzulayıblar.
Şəhid ailələrinin övladları, nəvələri çıxış edib, vətənpərvər ruhlu şeirlər söyləyib, mahnılar ifa ediblər.
Sonda birliyin sədri Maral Zamanova onlarla əməkdaşlıq edən şəxsləri Fəxri Fərmanla təltif edib və hədiyyələr verib.
