Daha bir hüquq müdafiəçisi Baş Prokurorluğa çağırıldı

Xəbər verdiyimiz kimi, son günlər ölkənin siyasi gündəmini təşkil edən bir məsələ də Azərbaycan Baş Prokurorluğunda  “QHT  İşi” ilə bağlı cinayət işinin başladılmasıdır.

YeniZamantv.az  Gununsesi.info-ya istinadən xəbər verir ki, sözügedən məsələ ilə bağlı hətta çoxsaylı hökumətyönümlü QHT rəhbərləri də Baş Prokurorluğa çağırılıb.

“Təmiz Dünya” Qadınlara Yardım İcrimai Birliyin sədri, tanınmış hüquq müdafiəçisi Mehriban Zeynalovanın da Baş Prokurorluğa çağırılanlar siyahısında olduğu deyilir.

Məsələ ilə bağlı Mehriban Zeynalovanın özü ilə də əlaqə saxladıq.

O, bu barədə hələlik danışmaq istəmədiyini dedi:

“Hazırda heç bir açıqlama vermək, nəyinsə haqqında danışmaq istəmirəm”

Qeyd edək ki, bundan əvvəl proses çərçivəsində “Vətəndaş Hüquqları” İnstitutunun rəhbəri Bəşir Süleymanlı və ictimai fəal Alpay Məmməd də həbs edilib.