Fazil Mustafa necə güllələnib? – Təfərrüat
Xəbər verdiyimiz kimi, millət vəkili Fazil Mustafa evinin önündə güllələnib.
YeniZamantv.az xəbər verir ki, Fazil Mustafanın yaxınlarından biri Musavat.com-a açıqlamasında deputata Zabrat qəsəbəsində yerləşən evinin qarşısında maşınını saxlayıb düşərkən avtomat silahdan çoxsaylı atəş açıldığını bildirib.
Millət vəkilini öldürmək istəsələr də, xoş təsadüfdən güllələrdən yalnız ikisi ona dəyib – biri çiyin nahiyəsindən, digəri ayağından.
Qeyd edilib ki, sağ çiynin, sağ budun yuxarı üçdə birinin güllə yarası diaqnozu ilə hazırda ona zəruri tibbi xidmətlərin göstərilməsi davam edir. Vəziyyəti stabil olaraq qiymətləndirilir. Həyati təhlükəsi yoxdur.
