Şagirdlər layihə çərçivəsində təltif edildilər
“ Vətənpərvər Maarifçi Gənclər “ ictimai birliyi Azərbaycan Respublikası Qeyri- Hökumət Təşkilatlarına Dövlət Dəstəyi Agentliyinin maliyyə dəstəyi ilə “Müharibə iştirakçılarının asudə vaxtlarının təşkili istiqamətində gəzintilər və məktəblilərlə görüşlər” layihəsinin icrasını beş məktəbdə əyata keçirdi.
Layihəni başa vuran ictimai birlik layihəyə töhfə olaraq tədbirlərdə fəallıq göstərən məktəblilərlə görüşərək onları Diplomla təltif edib.
“ Vətənpərvər Maarifçi Gənclər “ ictimai birliyinin sədri Aysunay Həsənova YeniZamantv.az-a açıqlamasında bildirib ki, inanıram keçirdiyimiz tədbirlər şagirdlərin yaddaşında dərin iz buraxacaq. Elə Diplomla təltif etməyimiz də ona xidmət edir ki, onlar daha çox tariximizi öyrənsinlər, qəhrəmanlarımızı tanısınlar. Digər məktəblilər də onlar kimi fəal olsunlar.
