Putin ilk dəfə etiraf etdi: Vətəndaş müharibəsi gedir

Rusiyanın Azadlığı Legionunun, Rusiya Könüllüləri Korpusunun və Sibir batalyonunun Belqorod və Kursk vilayətləri ərazisinə basqını ilə müəyyən məqsədlərə nail olundu, lakin bəziləri hələ də həyata keçirilməkdədir.

YeniZamantv.az xəbər verir ki, bunu ukraynalı ekspert Aleksandr Musienko Rusiyaya son hücumları şərh edərkən deyib.

“Məqsəd odur ki, bu adamların (üsyançılar – red.) varlığı bilinsin. İkincisi, onların sayının artdığı görülsün. Budəfəki basqında Sibir batalyonu və Çeçenistandan olan könüllülər də iştirak edib. Üçüncüsü isə sərhədyanı rayonların sakinlərinə Rusiyanın onlara tamamilə biganə olduğunu nümayiş etdirmək lazım idi”, – o bildirib.

Musienka əlavə edib ki, reyddən sonra Putin ilk dəfə Rusiyada vətəndaş müharibəsi olduğunu etiraf edib:

“Bundan əlavə, Putin bu insanları gördü və gərginləşdi. Qondarma seçkidən sonra mətbuat konfransında üsyançıları vlasovçularla müqayisə etdi. Vlasovçular kimlərdir? Bunlar Vehrmaxt tərəfinə keçən Qırmızı Ordu əsgərləridir. Beləliklə, Putin demək olar ki, ilk dəfə etiraf etdi ki, bunlar Ukrayna kəşfiyyat-diversiya qrupları deyil, Rusiyanın vətəndaşlarıdır. Və etiraf etdi ki, bunlar vətəndaş müharibəsinin əlamətləridir”.