QHT iftar süfrəsi verdi

Müqəddəs Ramazan bayramı münasibəti ilə 20 Yanvar Şəhid Ailələrinin Hűquqlarının Təmin Olunmasi ictimai birliyi tərəfindən təşkli olunmuş iftar süfrələrində  otuza qədər şəhid ailəsi,  əlillər, imkansızlar iştirak etdilər.
İftar mərasimlərində çıxış edən  20 Yanvar Şəhid Ailələrinin Hűquqlarının Təmin Olunmasi ictimai birliyinin sədri Maral Zamanova Qocaman ərazi bütövlüyümüz uğrunda canlarından keçən şəhidlərimizin əziz xatirələrini bir dəqiqəlik sükutla yad olunmasını təklif etdi. Onların  ruhlarına dualar oxundu. Qazilərimizə can sağlığı arzulandı.

Daha sonra Ramazan ayının dəyərindən söz açaraq, bildirdi ki, dövlətimiz  öz milli-mənəvi  dəyərlərinə hər zaman sadiq olub. Sovetin 70 ili ərzində də bu xalq öz  milli dəyərlərimizi yaşadıb. Bu gün istər ölkə prezidenti cənab İlham Əliyev və Birinci vitse-prezident xanım Mehriban Əliyeva tərəfindən milli-mənəvi dəyərlərin inkişafına  çox böyük diqqət göstərilir.

“Bir əlin verdiyini, digəri bilməməlidir” atalar sözünü əsas tutan ictimai birlik sədri mərasimdə iştirak edənlərin fotolarının çəkilməməsi fikri ilə, hər bir şəxsin bu ailələrə diqqətlə yanaşmalı olduğunu dilə gətirdi. Mərasimin  sonunda tədbirdə iştirak etməyən şəhid və imkansız ailələrin onunun evinə ərzaqlar göndərildi.