Avropalı müşahidəçilər gəldilər, “bu kəndlər Azərbaycanındır” dedilər: Əskiparada nə baş verib?

Əskipara kəndində olan Avropa İttifaqının müşahidəçiləri ermənilərə Qazaxın işğaldakı kəndlərinin Azərbaycana məxsus olduğunu deyiblər.

YeniZamantv.az xəbər verir ki, bu barədə hazırda Əskipara kəndində olan “demokratik birləşmə” partiyasının sədri Suren Petrosyan bildirib.

Petrosyan qeyd edib ki, bir müddət öncə Aİ müşahidə missiyası Voskeparda (Əskipara) oldu və kənd sakinləri ilə müzakirə apardılar.

“Həmin vaxt bəlli oldu ki, müşahidə missiyası İcevandan Voskepara çatmaq üçün 30 kilometr yox, 200 kilometr yol qət edib. Onlardan bu qədər uzun yol keçmələrinin səbəbini qoruşdum. Bildirdilər ki, şəffaf reqlament çərçivəsində hərəkət edirlər və Azərbaycanı heç bir halda təxribata çəkmək istəmirlər. Çünki bu kəndləri Azərbaycan ərazisi hesab edirlər. Təxribatın olmaması üçün İcevandan Voskepara Vanadzor vasitəsilə gəlirlər”, – Petrosyan bildirib. (publika.az)