Dörd kənd qayıtdı, İrəvan-Tiflis marşrutu dəyişdirildi
Tavuşdakı vəziyyətlə əlaqədar İrəvan-Tiflis marşrutu müvəqqəti olaraq dəyişdirilib.
YeniZamantv.az xəbər verir ki, bu barədə “Sputnik Ermənistan” nəqliyyat şirkətlərindən birinə istinadla məlumat yayıb.
“Maşınlar adətən İrəvandan Abovyan-Göyçə-Dilican-İcevan-Noyemberyan marşrutu ilə hərəkət edir, daha sonra Baqrataşen kəndi yaxınlığından Gürcüstan sərhədinə gedirlər. Lakin indi şirkət marşrutu dəyişib və sərnişinləri iki alternativ marşrut – Vanadzor və Alaverdi marşrutu ilə Gürcüstana daşıyır”, – məlumatda bildirilib.
Qeyd olunub ki, delimitasiyadan sonra şirkətin İcevan və Noyemberyandan keçən yoldan imtina etməsi istisna edilmir.
