Rusiyanın baş casusu və şəbəkəsi: BU ŞƏXSLƏR VƏTƏNƏ XƏYANƏT EDİB! – ŞƏRH
Azal-a məxsus təyyarəmizin Rusiya Hava Hücumundan Müdafdiə Sistemləri tərəfindən vurululmasından sonra, Rusiya Azərbaycana qarşı təbliğat, qarayaxma xəbərləri yaymağa başladı. Elə nə oldusa, bundan sonra oldu.
Məlum olduğu kimi, Rusiyanın “Rossotrudniçestvo” təşkilatının Azərbaycandakı nümayəndəliyinin fəaliyyəti də dayandırıldı. Bu qurumun Azərbaycanda casus şəbəkəsi yaratmaqda ittiham olunması ictimaiyyətdə böyük maraq doğurdu. Şəbəkənin rəhbərinin isə Prezident Administrasiyasının keçmiş rəhbəri Ramiz Mehdiyevin olduğu deyilir. Onunla bərabər keçmiş nazirlər Əbülfəz Qarayev, Azad Rəhimov, Elmar Məmmədyarov və Eldar Mahmudovun da həmin şəbəkəyə aid olduğu bildirildi. Adiçəkilən şəxslər bunları yalanladı. Lakin daha sonra bir xəbər də yayıldı ki, bu şəbəkə zaman-zaman Ramiz Mehdiyevin bağ evində toplanır, həm müzakirələr aparır, həm də kef məclisləri qururmuş.
Maraqlıdır görəsən, bu şəxslər həqiqətənmi rus casusudur və bu siyahı hələ genişlənə bilərmi? Ümumiyyətlə 2 ölkə arasında nə baş verir, proseslər necə yekunlaşacaq? YeniZamantv.az xəbər verir ki, politoloq Əziz Əlibəyli Turkustan.az-a açıqlamasında Azərbaycanla Rusiya arasında baş verənlər 2024-cü ilin ümumi bir siyasi mənzərəsindən qaynaqlanan proseslərin davamıdır.
Biz ilk növbədə müqayisəli ticari dövriyyəyə baxmalıyıq. Azərbaycan, Ermənistan və Gürcüstanın Rusiya ilə ticarət əlaqələrində göstərilən rəqəmlərinə nəzər salmalıyıq. Görünən odur ki, Azərbaycandan iqtisadi potensialı qat-qat aşağı olan Ermənistan və Rusiya arasında 2024-cü ildə az qala 20 milyard dollar qədər ticarət dövriyyəsi qeydə alınıb. Onun yarısı qədər, bəlkə bir az yaxın Gürcüstanla olub. Bununla bəzi nəticələr çıxara bilərik. Bu formada ki, Ukrayna müharibəsinə görə Rusiyaya təbii ki, sanksiyalar tətbiq olunub, amma bu sanksiyaları dələn ölkələr var. Rusiya bunun müqabilində qeyri-leqal yollara baş vurur və bu dünya düzənində, hüquqda, beynəlxalq münasibətlər kontekstində transmilli cinayət hesab olunur. Birinci növbədə Azərbaycan Rusiya ilə birlikdə onun transmilli cinayətlərində iştirak etmədi, 2-ci növbədə Azərbaycan öz milli, siyasi baxışlarını inkişaf elətdirdi və Qafqazda söz sahibinə çevrildikdən sonra bunun ölçülərini, parametrlərini daha da böyütdü. Nəticə etibarı ilə artıq Rusiya ilə Azərbaycan arasında bax bu münasibətin baş verməsinin ilkin işartıları formalaşdı. Qaldı ki, casus deyilən bu şəxslərə, açığı istəməzdim biz sırf buna uyğunlaşaq və onların üzərindən münasibət bildirməyə keçək. Azərbaycan xüsusi xidmət orqanlarında kimin casus olub, kimin olmaması ilə bağlı yetəri qədər məlumatlar var. Bütün hallarda başqa ölkə qarşısında öhdəlik götürmək, məsuliyyət daşımaq, öz dövlət sirrlərini satmaq, birmənalı şəkildə vətənə xəyanətdir!
