Prezident: “Azərbaycan üçün türk dövlətləri ilə əlaqələr xarici siyasətdə birinci dərəcəli vəzifədir”
“Azərbaycan üçün türk dövlətləri ilə əlaqələr xarici siyasətdə birinci dərəcəli vəzifədir”.
YeniZamantv.az xəbər verir ki, bu barədə Prezident İlham Əliyev sentyabrın 7-də Bakıda Türk Dövlətləri Təşkilatının üzv və müşahidəçi dövlətlərinin təbii fəlakət və fövqəladə halların idarə edilməsi üzrə nazirlərinin ikinci görüşünün və “Bakı-2023” beynəlxalq təliminin iştirakçıları ilə görüşdə deyib.
Prezident İlham Əliyev bildirib:
“Təsadüfi deyil ki, son bir neçə il ərzində mənim təşkilata üzv olan ölkələrə çoxsaylı səfərlərim həyata keçirilib. Təşkilata üzv ölkələrin dövlət və hökumət başçılarının da Azərbaycana bir çox səfərləri həyata keçirilib və bu il də bu səfərlər nəzərdə tutulur. Yəni bu, bir daha onu göstərir ki, biz düzgün yoldayıq”.
